பாதச்சுவடுகளுடன்

நானும் தேடிச் சென்றேன்
நினைவிருக்கும் வரை ,
மறை முகம் காட்டும்
பிறை நிலவின் ஒளியில்,
பாதச் சுவடுகள் வழிகொண்டு
கடற்கரை சாலையில் ,
வண்ணத்தின் கலவைகள்
ஒருங்கிணைந்த அலையோசை
நீக்கமற நிறைந்திருக்கும் இருள் வெளியில்
நான் மட்டும் பயணிக்கிறேன் விடியலை
நோக்கி தனியாக, பாதச்சுவடுகளுடன்

என்னிடம் இல்லை ஒரு தேசிய கீதம்

இயற்றுவதற்கு என்னிடம் இல்லை
ஒரு தேசிய கீதம் இந்த சுதந்திரத்திற்க்கு
ஒவ்வொரு பொழுதையும் அடிமையாய்
கழிக்கும் இந்த பாரத நாட்டில்
சுதந்திரத்தின் காற்றை சுவாசிக்க நானும்
விழைகிறேன் தேசியக் கொடியுடன்

பரிதிக்கு வணக்கம்

புன்னகையின் புன்முறுவலாய் 
நவரசத்தின் அங்கமாய் 
நயமுடன் உன் முகம்   
இக்காலை பொழுதில் 
நானும் மலர்ந்தேன் உன்னுடன் 


                                                          பரிதிக்கு வணக்கம் 

பொழிவி (கவிதை)

தவழும் முகிலின் விளையாட்டு

பாசத்துடன் வருடும் பனிமலர்

முகத்தில் ஆலத்தின் முத்தங்கள் 

பவனத்தின் ஆனந்தத் தழுவல்கள்

என்னுள்ளும் கண்டேன் நான்

புவி மகவின் மாஇன்பத்தை

சாலையில் நனைந்துகொண்டு
உன் வரவை இரசித்துக்கொண்டு

இரவு (கவிதை )

மெல்ல மெல்ல எட்டி பார்க்கும் உன் கருவிழியில்
வண்ணச் சிதறல்களாய் மயக்கும் தாரகங்கள்
நடுவே வெண் மதியின் சுழல் நடனம்
உள்ளத்தை களவு கொள்ளும் தென்றலின் சுவரங்கள்
இவற்றில் மெய் மறந்து துயிலுகிறேன்

இப் பாரின் அன்பான அரவணைப்பில் இன்பமாக