அப்பாவை நினைத்து பெருமை படுகிறேன் (கவிதை)

நின்றால் திட்டு,நடந்தால் திட்டு
வேலையில் தவறென்றால் அங்கும் திட்டு
எப்பொழுதும் அறிவுரை எத்ற்கும் அறிவுரை
வார்த்தைகளின் மென்மை அறிந்தது
இல்லை நான் அவரிடம் அன்பான
கலந்துரையாடல் இல்லை அவரிடம்
நினைக்க நினைக்க வெறுப்பு
ஏன் இவர் இப்படி இருக்கிறார்
கூர்ந்து கவனித்தேன் நான்
முகத்தில் கடுமை மனத்துள் மென்மை
புறத்தில் கோபம் அகத்தில் அன்பு
வெளிப்புறம் கண்டிப்பு உட்புறம் வருத்தம்
அனைதையும் கொண்டு வெளியில் காட்டாமல்
தன் பிள்ளையின் வெற்றியை பார்த்து
அதில் தன் பங்கில்லை என்று ஒரு
மூன்றாம் மனிதராய் ,ஓரமாய் நின்று
அணு அணுவாய் ரசிக்கும் அப்பாவை
நினைத்து பெருமை படுகிறேன்